Bizerte actualité

منحبش نحكي على السياسة ومنحبش ناقش فيه الموضوع خاطر نكره السياسة وأهل السياسة كبرت وقدامي سياسيين كذابين مش كان في تونس في العالم الكل أما من اللز بش نحكي اليوم على خاطر 8 أرواح طاحت مش 8 قطاطس ندخلو في صلب الموضوع إلي قاعد يصير في تونس تو وملي تنحي المخلوع حتى ليوم مش عشوائي يمكن مخابرات أجنبية ماتحبش لبلاد تقدم وتطور ويولي عندها كلمة في العالم خاطر راو إلي الشعب يحب لبعض كان الخير خاطر إن ولا إنت كي نراو واحد مستحق منخليوهاش به نعاونو بعضنا نحبو بعضنا ويد وحدة مع بعضنا فرقونا هو إسلامي هاو شيوعي هاو يساري وخوفونا وقتلولنا اخوتنا المشكلة إلي الشعب فايق ومتفرقش ويقعد اليساري مع الإسلامي يلعب طرح كارتا ويضحك مع بعضهم أما السياسين إلي عنا نساو إلي المناصب متدومش خاطر كان بش تدوم راهي بش ضاحي دامت لفرعون وبن علي وغيروا يسبوا بعضهم مستوى أخلاقي منحط في البلاتوات في التلافز فلان يسب في فلان والشعب يتفرج ويخمم في خبزة غدوة كيفاش نساو إلي الشعب ميهموش في الأسامي يهموا كان كيفاش بش يعيش مرتاح في مأمن من الإغتيالات والحرب الأهلية إلي يحبوا يهزونا لها هما كان ببهامة ولا طمع في الكراسي كنا نبكيو كي نسمعو بفلسطيني إستشهد نتمناو كان نجموا نمشيو  ونحاربوا ليهود ياخي جاء الوقت إلي جاونا سياسين بعقلية ايهود همهم الوحيد مصالحهم الضيقة .

رسالة السياسين الكل من الحكومة إلى المعارضة راو شعب يكرهكم وفي الأخير الله يرحم شهداء  الجيش اليوم وربي يصبر عائلاتهم